Wat was jou eerste rekenaar?

Na aanleiding van ‘n inskrywing van Jo-Ann waar sy praat oor haar eerste rekenaar, het ek dit goed gedink om bietjie te skryf oor myne.  En hier gaan ek sekerlik my ouderdom weggee en die jonklomp van vandag gaan nie ‘n “clue” hê waaroor ek praat nie.

My eerste rekenaar het ek aangeskaf in, ek dink 1978.  Dit was nog die dae voor PC’s.  Dit was ‘n Apple II wat min of meer so gelyk het.

Daai skerm wat julle daar sien was groen gewees en dit het een of ander vorm van Basic gehad.  Die floppy drives was, ek dink, 128KB en ek het net een gehad.  Ek kan nog onthou dat ek ‘n huis finansies program geskryf het en ‘n hele 3 kopers gehad vir die ding.

My volgende rekenaar het ek in 1981 aangeskaf en die was ‘n IBM PC wat in Suid Afrika gemaak is met die naam Psion.  Dink hulle bestaan lank nie meer nie.  Hierdie rekenaar met 2 floppy drives and 640KB geheue het my seker naby die R8000 uit die sak gejaag wat baie geld in daai dae was — geen hardeskyf nie.

Vandag staan hier 3 rekenaars, waarvan een ‘n laptop is, in my huis.  En alles is genetwerk en met die druk van ‘n knopiie kan mens basies enigiets in die hande kry. 

Die beste ding wat verander het vanaf 1980, toe daai PC, DOS op gehad het en later Windows, is dat daar geen Microsoft/Windows op enig van my rekenaars is nie en dat alles wettig is en my nie ‘n sent gekos het nie.  Ja ek gebruik net Linux (Ubuntu), by die huis en by die werk.

Laat hoor van julle wat julle eerste rekenaar was en wat julle vandag gebruik.

Technorati Tags: , , ,

Leave a Reply

Your email address will not be published. Required fields are marked *

*